“НАС 97%!”

“НАС 97%!”

Заява Прэзідыума БСДП

24.06.2020 г.                                                 г.Мінск

Прэзідыум Беларускай сацыял-дэмакратычнай партыі (Грамада) катэгарычна асуджае палітычныя рэпрэсіі, якія адбываюцца ў ходзе прэзідэнцкай выбарчай кампаніі ў дачыненні да грамадзянак і грамадзян, а таксама ўдзельнікаў і удзельніц выбарчага працэса.

Прэзідыум БСДП патрабуе неадкладна вызваліць прэтэндэнта на званне кандыдата ў прэзідэнты Віктара Бабарыка, кіраўніка яго выбарчага штаба Эдуарда Бабарыка, кіраўніка выбарчага штаба Святланы Ціханоўскай Сяргея Ціханоўскага, палітыкаў Мікалая Статкевіча, Паўла Севярынца, а таксама іншых актывістак і актывістаў, затрыманых па палітычных матывах.

Прэзідыум БСДП асуджае рэпрэсіі ў дачыненні да старшыні партыі Ігара Барысава (адміністрацыйны штраф), а таксама актывістаў партыі Віталя Савіча (адміністрацыйны штраф) і Наталлі Гарачкі (арышт 11 сутак) за ўдзел у мірных масавых мерапрыемствах.

Прэзідыум БСДП заклікае супрацоўнікаў праваахоўных органаў не ўдзельнічаць у палітычным пераследзе, адвольных затрыманнях грамадзянак і грамадзян, палітычных рэпрэсіях, пераследзе дэмакратычных актывістак і актывістаў і неабгрунтаванага ўжывання фізічнай сілы.

Прэзідыум БСДП падкрэслівае, што апошнія дзеянні ўлады ў дачыненні да сваіх апанентаў з’яўляюцца праяўленнем слабасці і жаданнем кантраляваць сітуацыю не ў адпаведнасці з законам, а выключна сілавымі і адміністрацыйнымі метадамі.

Прэзідыум БСДП лічыць, што нас, беларусак і беларусаў 97%, якія прагнуць перамен і ўлада павінна лічыцца з гэтай новай сітуацыяй.