Партыйнае жыццё

БСДП прапануе ўключыць у новы склад Цэнтрвыбаркама сваіх прадстаўнікоў

чацьвер, 22 Кастрычнік 2020 17:26 Aўтар: Прэс-служба БСДП

БСДП прапануе ўключыць у новы склад Цэнтрвыбаркама сваіх прадстаўнікоў

Такое рашэнне было прынята 21 кастрычніка 2020 г. на пасяджэнні Прэзідыума партыі.

Беларуская сацыял-дэмакратычная партыя (Грамада) лічыць, што для выхада з палітычнага крызіса неабходна правядзенне не толькі новых свабодных і справядлівых выбараў у адпаведнасці з рэкамендацыямі АБСЕ, аднак і новы склад Цэнтрвыбаркама.

БСДП рэкамендуе ўключыць у новы склад ЦВК ад БСДП наступных сябраў партыі: Мечыслава ГРЫБА, Міхаіла ПАСТУХОВА, Алега ВОЛЧАКА і Паўла ЗНАЎЦА.

БСДП рэкамендуе іншым дэмакратычным партыям вылучаць сваіх прадстаўнікоў у склад Цэнтрвыбаркама.

БСДП звяртаецца да Прэзідыумаў абласных (Мінскага гарадскога) Саветаў дэпутатаў і адпаведных выканаўчых камітэтаў з просьбай падтрымаць кандыдатуры вылучаныя ў склад ЦВК сябраў БСДП.

Усе прапанаваныя ў склад ЦВК сябры БСДП маюць юрыдычную адукацыю, двое з іх з’яўляюцца заслужанымі юрыстамі Рэспублікі Беларусь, трое з іх раней былі дэпутатамі.

Прэс-служба БСДП